Carpon

Dongeng Ti Korea

Ku Evi Fauziah

Kumargi aya permintaan ti rerencangan, sareng ti dosen oge, nya dipereketkeun wae ieu teh nyerat ngangge basa sunda, sok sanaos bahasana teu tarapti, tapi lumayan lah kanggo minuhan blog, hehehe

tos aya bade kana 2 bulan-na abdi didieu teh, hoyong terang kumaha didieu teh nya?
urangcaritakeun ti mimiti atuh ai kitu mah. Barang dugi ka Korea, harita teh tanggal 24 Februari, hawana tiris, da puguh nuju musim dingin tea. Kulit teh asa rarengkeng, cigah nu keur halodo geuningan, acuk langsung ditambihan jadi sababaraha lapis, meh teu kaanginan.

ieu poto pertama abdi di korea, di bandara Incheon, Korea Selatan.

Di bandara, barudak Indonesia di jemput ku panitia ti Universitas, meuni balageur, someah hade ka semah tea. Teras langsung we ka asrama.

Salami didieu aya sababaraha tempat nu tos dianjangan ku abdi, diantarana, Itaewon, Myeongdong, Dongdaemun, jeoun-ju jeung sajabana, tah ayeuna mah mending urang bahas wae nya eta tempat2 teh.

1. Itaewon

Kawasan foreigner disebutna teh, kumargi seeur urang luar negeri (bukan orang korea) nu netep didieu, nu dagang katut nu meserna oge. Abdi kadieu basa bade meser hape korea. Tah pami hoyong mendak katuangan nu halal lumayan seeur di itaewon mah, daging sapi halal, oge daging hayam, tong hawatir pami di itaewon mah. Di Itaewon oge aya hiji masjid, Pusat Islam di Seoul teh ayana didieu. Meuni asa reeus, sedih oge, tiasa mendak masjid di Korea, sareng ngadangu adzan. Kaleresan abdi ge netepan di dieu. Tah ieu gambar masjidna, sae nya?

Alhamdulillah mendak masjid didieu, ieu ge hiji2na masjid di seoul. Nya wajar atuh da Korea mah salah sahiji negara nu pendudukna seeur nu teu nganggem agama aya kana 45% na saur wikipedia eta ge. Tapi kana toleransina bagus, teu aya jalma nu ngaributkeun masalah agama. Kadang pami nuju jalan-jalan di subway* atawa di jalan umum, sok aya ibu-ibu nu ningalikeun wae. Aya malah nu sampe ka naros, nya meren gara-gara kuring make jilbab. Naroskeun na teh, ieu topi? Sanes saur kuring teh,ieu mah jilbab, hijab. Nya manehna ngan ungggeuk wae bari nyarios ku basa korea, ai kuring pan ngan ngarti saeutik, nya ngan gumujeung we.

Malah ma aya babaturan urang korea, hoyong nyobian nganggo tudung ceunah, unik saurna teh. Pernah oge kajadian basa nuju tatamu ka bumi rerencangan, pan ngiring solat, solat magrib, eh ti mimiti solat dugi ka beres, nonton ningalikeun. Saurna teh, intersting, menarik ceunah. Maranehna tara nganggap urang beda, sami we babaturan, ngan kudu sabar we ngajelaskeun naha urang kudu solat atawa make tudung. hehehe

2. Suwon

Didieu padumukan kuring salila di korea teh, kota Suwon, aya kana 1,5 – 2 jam lah pami bade ka seoul mah. Kota na luas, tapi lain kota metropolitan saperti seoul. Didieu letakna kampus kuring di Korea teh, Ajou University tea. Kuring matuh di asrama, tah ieu asrama na.

Tah basa taun 2002 teh piala dunia (World Cup) diayakeun di Jepang jeung Korea, salah sahiji stadionna teh aya di suwon, namina Suwon Worldcup Stadium, lega pisan, sae deuih, kualitasna ge tiasa dipercaya. Aya taman sakurilingna teh, aya alat-alat olahraga oge, kumplit pokokna mah.

ieu poto abdi sareng rerencangan ti Indonesia.

3. Myeongdong, Dongdaemun, Namdaemun, Bus Express Terminal

Tah tempat-tempat nu disebutkeun di luhur ieu, eta mah tempat balanja, surga kanggo shopaholic tea. hehehe.

Sadaya tempat eta ayana di seoul, lumayan caket deuih. Komo ti Namdaemun ka Myeongdong mah tinggal mapah ge dugi, nya lumayan oge pami mapah mah. Pami kana subway ngan 1 stasiun.

tah dikawasan ieu teh aya kana welasan mall teh, mun ngulibek ngurilingan ge, milarian acuk, moal cukup sapoe, pokona mah kawasan belanja, tiasa ditawar da.

Kitu oge myeongdong sareng namdaemun, ngan di myeongdong mah seseurna barang bermerek sapertos, H&M, forever21, Zara, Spao, jeung sajabana, hargana ge tangtu beda, jeung teu tiasa ditawar deuih. Tapi tong hawatir, aya oge toko-toko biasa nu ngajual acuk nu teu eleh kualitasna. Jeung hargana oke.

myeongdong.

Saleresna mah seeur keneh nu hoyong dicaritakeun ku abdi teh, ngan waktuna teu sempet ayeuna mah, engke insyaallah nyerat deui, neraskeun carita ieu. Hatur nuhun.

-FUJI

Note: subway nyaeta alat transportasi di korea, saperti kareta api, ngan leuwih cepat jeung modern. biasana dijalankeunna di bawah tanah.

One Response to Carpon

  1. dian hadiana says:

    wahaha.. sae pissann